CLLE-ERSS es una de las doas compausantas de l'UMR 5263, CLLE (Cognicion, Lengas, Lengatge, Ergonomia). Eissida de l'Equipa de Recerca en Sintaxi e Semantica (ERSS), qu'èra estada fondada en 1981, s'associèt en 2007 al Laboratòri Trabalh e Cognicion (CLLE-LTC), e se tròba a l'ora d'ara installada dins dos sits : l'Universitat de Tolosa II-Lo Miralh e l'Universitat de Bordèu III Miquèl de Montanha.
CLLE-ERSS pren per tòca la descripcion scientifica e la modelizacion de las lengas naturalas dins sas divèrsas dimensions (fonologia, morfologia, sintaxi, semantica, lexic, discors), dins una perspectiva tan sincronica coma diacronica.
Aquela activitat de modelizacion es escasença de collaboracions amb d'especialistas d'autras disciplinas, d'informaticians (especialistas de l'intelligéncia artificiala e de l'engenhariá linguistica), de psicològs o d'especialistas de didactica de las lengas.
Las lengas que s'estúdian dins l'equipa son nombrosas : còsta lo francés - que la màger part dels trabalhs i son consacrats - sos cercaires s'interèssan a de lengas tan divèrsas coma l'arabi, l'anglés, l'espanhòl, l'italian, lo japonés, lo latin, lo polonés etc.
